«Թող մեր ուժերի վրա ադրբեջանցիները չկասկածեն, մեր զինվորների մարտական պատրաստվածությունը բարձր մակարդակի վրա է: Մենք այստեղ ենք, որպեսզի ապահովենք մեր ընտանիքի, հասարակության հանգիստ քունը. բոլորս հպարտ ենք և մեծ հպարտությամբ ենք կանգնում սահմանի վրա՝ պաշտպանում ենք մեր հողն ու ջուրը»,- «Առաջին լրատվական»-ի հետ զրույցում ընդգծեց Հյուսիսային զորամասերից մեկի սահմանապահ զինծառայող Արման Հովհաննիսյանը:
Նրա սահմանապահ ընկերները ևս հայրենիքին ծառայելը համարում են սուրբ գործ: Սահմանապահների պնդմամբ՝ իրենց չի ընկճում լարված իրադրությունը:
«Զինվորների մեջ ոչ մի կերպ խուճապ լինել չի կարող, քանի որ մենք ունենք հզոր, համախմբված զորք, միշտ պատրաստ ենք հակառակորդին պատասխանելու և ավելի մեծ հարված տալու»,- նշեց զինծառայող Նասլեդ Բագրատունին:
Զինծառայողները վստահ են՝ եթե պատերազմ լինի, հայկական կողմը հաղթելու է:
Առավել մանրամասն՝ տեսանյութում:
