Ճակատի երկայնքով մի քանի միջադեպերի մասին տեղեկությունները անհանգստության պատճառ են, երկուշաբթի ասվում է ԵԱՀԿ գործող նախագահի անձնական ներկայացուցիչ Անջեյ Կասպրշչիկի հայտարարությունում, տեղեկացնում է Trend-ը։
Նրա խոսքերով՝ յուրաքանչյուր դժբախտ դեպք ողբերգություն է ընտանիքների և մյուս ներքաշված մարդկանց համար։
«Համապատասխան իմ մանդատի՝ ես շարունակելու եմ սերտորեն համագործակցել կողմերի հետ, այդ թվում՝ ամենաբարձր մակարդակով, որպեսզի օգնեմ նրանց իրավիճակի ապալարման գործում։ Ես և իմ թիմը շարունակելու ենք մեր մոնիթորինգային գործողությունները, որոնք կազմակերպված են կողմերի հետ համագործակցաբար։ Դրանցից վերջինը տեղի ունեցավ օգոստոսի 1-ին»,- նշել է Կասպրշչիկը։
Նա նշել է, որ շփման գծում և հայ-ադրբեջանական սահմանին յուրաքանչյուր մոնիթորինգի ժամանակ նրանք համապատասխան տեղեկություն են ստանում հրադադարի ռեժիմի խախտման և ընդհանուր իրավիճակի մասին, սակայն իրավիճակին հետևում են միայն մի որոշակի տեղում։
«Մենք նաև օգնություն ենք ցույց տալիս տեղի հրամանատարներին փոխադարձ հետաքրքրություն ներկայացնող և լարվածությունը նվազեցնող հարցերի լուծման մեջ։ Մոնիթորինգի մասին զեկույցները ներկայացվում են ԵԱՀԿ նախագահի վարչությանը և Մինսկի խմբի անդամներին»,- ասվում է հայտարարությունում։
Նա նաև նշել է, որ նրանք հրապարակավ չեն տեղեկացնում ստուգման համապատասխան միջոցառումների ընթացքի կամ իրենց եզրահանգումների մասին։
