Շոտլանդիայի Լինլիտտոու քաղաքում տեղի ունեցած Chanel Metiers d”Art Show-ի վերջին ցուցադրության ժամանակ դիզայներ Կարլ Լագերֆելդը դիմել էր Բրիտանիայի ամենագունագեղ հատվածի ավանդական ազգային մոտիվներին, հայտնում է spletnik.ru-ն:
Էդինբուրգից ոչ հեռու գտնվող հրաշալի պալատում տեղի ունեցած շոուն առանձնացել է դասական կարմրասև վանդակներով, յուրահատուկ բերետներով և մարգարտե զարդերով ու դարձել է Շոտլանդիային սիրո խոստովանության գագաթնակետ:
Մոդելների խիտ գործվածքները, բարձր սանրվածքները, վառ կարմրավուն մազերը դարձել էին պոդիումի գլխավոր «գործող անձինք»: Քաշմիրը, զուսպ, հիրավի արքայական գույները ցուցադրության հյուրերին, որոնց թվում եղել են Միրոսլավա Դուման, Էմբեր Անդերսոնը և այլք, տարել են Շոտլանդիայի լեգենդար թագուհի Մարիա Ստյուարտի ժամանակներ:
Չնայած շոուի պատրաստման ժամանակ իր զբաղվածությանը` Chanel նորաձևության տան ղեկավարը խոսել է Ալեքսանդրա Վոնգայի` վերջերս Balenciaga նորաձևության տան կրեատիվ տնօրենի պաշտոնում նշանակվելու առիթով` ասելով, որ նա տվյալ աշխատանքի համար ամենահարմար դիզայներն է: Լագերֆելդը խոստովանել է, որ ինքը հիանում է դիզայների արվեստով:
