Washington Post պարբերականը հինգշաբթի Արևմուտքին կոչ է արել շարունակել ջանքերը՝ ուղղված Ռուսաստանի կառավարության վրա ճնշում ցուցաբերելուն: Ռուսաստանն անվանվում է թշվառ պետություն, որը սպառնում է Եվրոպայում կայունությանն ու խաղաղությանը:
«Արևմուտքը չպետք է վախենա իր գործողությունների հետևանքներից,- ասվում է խմբագրական հոդվածում:- Եթե կրեմլյան ռեժիմը հնարավոր է խաթարել պատժամիջոցներով և Արևելյան Ուկրաինայում կարգուկանոնի վերականգնմամբ, ապա դա պետք է անել»:
Washington Post-ը նշում է, որ Պուտինը բախվում է երկակի խնդրի. ԱՄՆ-ի ու ԵՄ-ի կողմից ռուսական բանկերի ու նավթային ընկերությունների հանդեպ կոշտ պատժամիջոցների և Ուկրաինայում իր խամաճիկային ուժերի ռազմական ձախողումների շարքին:
Այդ իրավիճակում, շարունակում է թերթը, ուկրաինացի պաշտոնատար անձինք, ինչպես նաև նրանց որոշ արևմտյան գործընկերներ, անհանգստացած են, որ առաջնորդը, իրեն զգալով անկյուն քշված, կարող է պատասխանել նոր ագրեսիայով: Այդ իսկ պատճառով Ուկրաինան և Արևմուտքը պետք է պատրաստ լինեն ավելի հզոր և բաց ռուսական ռազմական ներխուժման՝ ասվում է հոդվածում:
Եթե դա տեղի ունենա, ապա Արևմուտքը պետք է ուկրաինական բանակին հավելյալ աջակցությամբ ապահովի, որը ցանկանում է նրանից անօդաչուներ, կապի ավելի կատարելագործված միջոցներ, ինչպես նաև նոր կառավարության համար հավելյալ տնտեսական աջակցություն ստանալ, որը ստիպված է լուրջ ծախսերի գնալ հանուն իր զինված ուժերի:
«Ռուսաստանին չպետք է թույլ տալ ամրապնդել իր խամաճիկային ուժերի ներկայությունն Արևելյան Ուկրաինայում մշտական հիմունքով՝ այդպիսով ստեղծելով «սառեցված հակամարտություն»,- եզրափակում է թերթը:
