Երեկ կայացած «Միլան»-«Զենիթ» հանդիպմանը միջադեպ է տեղի ունեցել` բրազիլացի ֆուտբոլիստի մասնակցությամբ: 80-րդ րոպեին փոխարինված Հալկը բուռն դժգոհություն է արտահայտել և վեճի բռնվել թիմի գլխավոր մարզիչ Լուչանո Սպալետիի հետ:
Խաղի ավարտից հետո ֆուտբոլիստը հայտարարել է, որ պատրաստ է լքել թիմը, եթե չլուծվի մարզչի հետ հարցը:
«Ես երջանիկ եմ Սանկտ Պետերբուրգում, ընտանիքս` նույնպես: Սակայն ես խնդիրներ ունեմ «Զենիթ»-ի գլխավոր մարզչի հետ: Եթե այն ժամանակին չլուծվի, ես կարող եմ լքել ակումբը հունվարին»,- հայտնել է Հալկը լրագրողներին տված հարցազրույցի ժամանակ:
