«Բարսելոնա»-ի գլխավոր մարզիչ Տիտո Վիլանովան հայտարարել է, որ հարձակվող Լիոնել Մեսսին խաղադաշտ դուրս կգա «Բենֆիկա»-ի դեմ հանդիպմանը:
Հիշեցնենք, որ կատալոնացիներն արդեն ապահովել են փլեյ-օֆֆի իրենց ուղեգիրը` զբաղեցնելով առաջին տեղը խմբում:
«Նախորդ շաբաթ մենք Մեսսիին հանգստանալու հնարավորություն տվեցինք: «Բենֆիկա»-ի դեմ հանդիպմանը նա խաղադաշտ դուրս կգա ոչ թե նոր ռեկորդ սահմանելու նպատակով, այլ պարզապես նա ցանկանում է միշտ խաղալ և իրեն լավ է զգում մրցապայքարում: Իսկ մեզ համար միշտ ավելի լավ է, երբ Մեսսին խաղադաշտում է, քանի որ այդ դեպքում թիմն ավելի հզոր է դառնում»,- իսպանական լրատվամիջոցները մեջբերում են Վիլանովայի խոսքերը:
