Հռոմի պապ Ֆրանցիսկոսն Իտալիայի Կազերտա քաղաքում ավետարանականների հետ հանդիպման ժամանակ ներողություն է խնդրել 1930-ական թթ. Իտալիայում ֆաշիստական ռեժիմի ժամանակ բողոքականների նկատմամբ կաթոլիկների հետապնդումների համար: Ֆրանցիսկոսի խոսքով՝ հիսունականներին հետապնդողների թվում եղել են նաև հավատացյալ կաթոլիկներ՝ հայտնում է իտալական The Local-ը:
Ուստի որպես կաթոլիկ աշխարհի առաջնորդ՝ Հռոմի պապը ներում է խնդրել կաթոլիկության այն ներկայացուցիչների համար, որոնք «չեն իմացել՝ ինչ են անում, և տրվել են սատանայի խոստումներին»՝ գրում է պարբերականը:
Բողոքականներին, մասնավորապես, հիսունականներին հետապնդել են Իտալիայի ֆաշիստները: Կաթոլիկ եկեղեցին, իր հերթին, աջակցել է նման ակցիաներին: Դա շարունակվել է ընդհուպ մինչև 1950-ական թթ., երբ չեղյալ է հայտարարվել օրենքը, որի համաձայն՝ «հիսունականությունն» Իտալիայում համարվել է պաշտամունք:
