Չինացի հնագետները Սիանում` հայտնի Թրծակավե բանակի հարևանությամբ, հայտնաբերել են Ք.ծ.ա . 3-րդ դարի մեծ պալատ: Այս մասին հայտնում է բրիտանական The Guardian թերթը՝ հղում կատարելով չինական «Սինհուա» գործակալությանը:
Պալատը Ցին Շիհուանդի արքայի թանգարանի 56 քառ. կմ տարածք զբաղեցնող հրապարակում ամենամեծ շինությունն է:
Պալատի մակերեսը կազմում է Արգելված քաղաքի մոտ մեկ քառորդը, ինչը իր չափերով Պեկինի կայսերական պալատից մեծ է:
Հնագետների խոսքերով՝ Ցին Շիհուանդիի պալատը ներառել է խոշոր գլխավոր շինությունն ու դրան հարակից 18 շրջակա կառույցները:
Չնայած ավելի քան 2000-ամյա պատմությանը, պալատի ֆունդամենտը բավական լավ է պահպանվել: Պեղումների վայրում հնագետները հայտնաբերել են պատերի մնացորդներ, դարպաս, քարե ճանապարհ, հախճապակե բեկորներ և աղյուսի կտորտանքներ:
Ցին Շիհուանդին առաջին կայսրն էր, որ միավորեց չինական նահանգները:
