Եվրոպական հանձնաժողովը հաստատել է Եվրոպական հարևանության Քաղաքացիական հասարակության ֆոնդի (ՔՀՖ) երկրորդ փուլը` տարածաշրջանում քաղաքացիական հասարակության կազմակերպությունների ակտիվության բարձրացման համար` 2012-2013-ի համար 45,3 մլն եվրո հատկացում անելով: Այս մասին հայտնել է ITAR TASS-ը:
Հայտարարելով այս մասին` ԵՄ-ի արտաքին քաղաքականության և անվտանգության քաղաքականության հարցերով գերագույն հանձնակատար Քեթրին Էշթոնն ասել է. «Քաղաքացիական հասարակությունը կենտրոնական դեր ունի ժողովրդավարության և սոցիալական միավորման շարժիչ ուժի հարցում: Այսօր ընդունված նախաձեռնությունը պետք է դիտարկել որպես այս համոզման և քաղաքացիական հասարակության հետ իրական գործընկերություն ստեղծելու մեր ձգտման կոնրետ մարմնավորում»:
«Այս նախաձեռնությամբ մենք ընդարձակում ենք Եվրոպական հարևանության տարածաշրջանում քաղաքացիական հասարակությանը մեր աջակցության մասշտաբը ` գործընկեր երկրներում քաղաքացիական հասարակության հետաքրքրված կողմերի, նաև քաղաքացիական հասարակության և տեղական ազգային իշխանությունների միջև նրանց երկրներում խորացված և կայուն երկխոսություն ծավալելու ավելի շատ հնարավորություններ տալով»,- ավելացրել է ընդարձակման և բարիդրացիության քաղաքականության հարցերով եվրոկոմիսար Շտեֆան Ֆյուլեն:
Ֆինանսավորումը բաժանվում է 2 մասի` Արևելյան հարևանության ֆոնդը 2013-ի համար կստանա 23,3 մլն եվրո հատկացում, իսկ Հարավային հարևանության ֆոնդը` 22 մլն:
Նպատակը գործընկեր-երկրների կառավարությունների հետ բանակցություններում Եվրոպական հարևանության տարածաշրջանում քաղաքացիական հասարակությանն աջակցելն է, հասարակական վստահության հարցում քաղաքացիական հասարակության դերի ամրապնդումը, դրանց դերին աջակցելը ազգային մակարդակով և զարգացման տեղական ծրագրերում բարեփոխումների գործընթացում:
Եվրոպական հանձնաժողովը ՔՀՖ-ն ստեղծել է 2011-ին` Եվրոպական հարևանության տարածաշրջանում քաղաքացիական հասարակության կազմակերպությունների ներուժի ամրապնդման նպատակով:
