Այսօր կառավարության մոտ էր եկել Վերնիսաժի տարածքում Կարո Կարապետյանի՝ Յուվեցի Կարոյի փեսայի կրակոցներից ծանր վիրավորված Վալերի Հովհաննիսյանի մայրը՝ Լիա Հովհաննիսյանը, ներկայացնելու որդու առողջական վիճակի հետ կապված մանրամասներ: Նա պատմեց, որ Կարո Կարապետյանը անձամբ է սպառնում ընտանիքին, որ որդին կեղծ ցուցմունք տա դատարանում:
Կառավարության նիստից հետո ՀՀ արդարադատության նախարար Հովհաննես Մանուկյանին լրագրողները Վերնիսաժի գործի հետ կապված հարցեր ուղղեցին: Նախարարը, սակայն, խնդրեց իրեն տալ հարցեր, որոնք իր լիազորություններին են վերաբերում. «Ինչքան գիտեմ՝ նախաքննություն է ընթանում, և նախաքննության վերաբերյալ չեմ ուզում քաղաքական հայտարարություններ անել, որովհետև ինքս իրավաբան եմ և աշխատել եմ իրավապահ համակարգում, դատավոր եմ եղել, և հասկանում եմ դրա անմիմաստությունը, սխալը, հատկապես եթե գործը գտնվում է նախաքննության փուլում: Իհարկե, քաղաքական գործիչները և մամուլը կարող են իրենց թույլ տալ նման հայտարարություններ անել, բայց ես կառավարության անդամ եմ, արդարադատության նախարարն եմ և չեմ կարող ինձ նման շռայլություններ թույլ տալ»,- ասաց նախարարը:
Վրաստանում Հայաստանի նախկին դեսպանը անդրադարձավ նաև հայկական եկեեղեցու մոտ տեղի ուենցածին. «Իմ ունեցած տեղեկություններով՝ միջադեպի սկզբնաղբյուրը եղել է կենցաղային վեճը, բայց, ցավոք սրտի, վերածվել է մեծ ընդհարման, որը հենց տեղի է ունեցել սուրբ Էջմիածին եկեղեցու մոտ: Անկախ նրանից՝ եղել է կենցաղային թե ոչ, այնուամենայնիվ, մենք այստեղ կրոնական և ազգային հանդուրժողականության խնդիր ունենք: Արդեն համապատասխան հայտարարություններ արվել են Վիրահայոց թեմի և վրաց պատրիարքի կողմից»,- ասաց նա:
Ավելին՝ տեսանյութում:
