Եգիպտական Դատավորների Ակումբը, որը երկրի դատավորների և իրավաբանների պրոֆեսիոնալ կազմակերպությունն է, կոչ է արել բոյկոտել Եգիտոսի նոր սահմանադրական հանրաքվեն, որը ծրագրված է դեկտեմբերի 15-ին: Այս մասին հայտնում է Reuters-ը:
Ակումբը նաև որոշել է հրաժարվել իր ներկայացուցիչներին ուղարկել հանրաքվեի ընթացքին հետևելու համար: Նշվում է, որ երկու որոշումներն էլ միաձայն են ընդունվել:
Եգիպտոսի դատավորների և նախագահ Մուհամմեդ Մուրսիի հակասությունները շարունակվում են նոյեմբերի 22-ից՝ այն բանից հետո, երբ վերջինս Սահմանադրական Ասամբլեան ցրելը և նախագահի`«հեղափոխության օգտին» ցանկացած որոշում վիճարկելն արգելող մի հրամանագիր էր ստորագրել:
Դատավորները Մուրսիի գործողություններն անվանել են «հարված դատական համակարգի անկախությանը» այն դեպքում, երբ նախագահն իր հրամանագիրը բացատրել է դատավորների ապաքաղաքականության և անկողմնակալության հասնելու անհրաժեշտությամբ` նշելով, որ իր ընդունած միջոցառումները ժամանակավոր են:
Եիպտոսի նոր սահմանադրության նախագիծը սահմնադրական ասամբլեայի կողմից հաստատվել է նոյեմբերի 30-ին: Այն, մասնավորապես, շարիաթի նորմերով թողնում է երկրի օրենսդրության հիմքում, նաև ենթադրում է նախագահի իշխանության զգալի մեծացում:
Մուրսիի գործողությունները հանգեցրել են ամբողջ Եգիպտոսով նրա հակառակորդների զանգվածային բողոքի ակցիաների, որոնք Հոսնի Մուբարաքի պաշտոնանկության ժամանակից ի վեր բղոքի ամենամեծ ակցիաներն են:
