Չորեքշաբթի օրը Բրյուսելում ԵՄ նախարարների խորհուրդը վերջնական որոշում է ընդունել 2015-ի հունվարի 1-ից եվրոգոտուն Լիտվայի միանալու մասին: Ria Novosti-ի հաղորդմամբ՝ այս մասին այսօր Բրյուսելում մամլո ասուլիսի ժամանակ հայտնել է եվրոպական հարցերով իտալացի նախարար Սանդրո Գոզին:
«Մենք որոշել ենք 2015թ. Լիտվային ողջունել որպես եվրոգոտու 19-րդ անդամի: Լիտվան սոսկ եվրոգոտու նոր անդամ չի լինի, այլ կլինի շատ հուսալի անդամ, քանի որ ֆինանսատնտեսական գործնթացները Լիտվայում այնպիսին են, որ դրանք կարելի է օրինակ բերել»,- ասել է Գոզին՝ նշելով, որ առաջիկա կես տարին երկիրը պետք է օգտագործի ինչպես հարկն է համաեվրոպական արժույթին անցնելուն պատրաստվելու համար:
