Առաջինը պատահականություն է, երկրորդը՝ համընկում, իսկ երրորդը` արդեն սովորություն: Այս տրամաբանությամբ նոր, բայց բարեբախտաբար ոչ վտանգավոր սովորություն է դրսևորում Ռիհաննան: Նա իր օծանելիքների շարքը համալրել է ևս մեկով: Կալիֆոռնիայի Սենչըրի սիթիում նա ներկայացրել է իր նոր՝ Nude օծանելիքը: Այս մասին հաղորդում է spletnik.ru-ն:
Նրա հեղինակային առաջին օծանելիքը եղել է Reb’l Fleur-ը, իսկ երկրորդը՝ Rebell-ը:
by Rihanna շարքի հերթական օծանելիքի թողարկման մասին հայտնի էր դարձել դեռևս մայիսին, իսկ մի քանի ամիս առաջ նույնիսկ համացանցում տարածվեցին նրա համարձակ պրոմո-լուսանկարները, որոնք արվել էին նոր նախագծի գովազդային արշավի շրջանակում:
Օծանելիքի ներկայացումը տեղի է ունեցել երեկ՝ առևտրի Macy’s ցանցի կետերից մեկում: Առանց այդ էլ մեծաթիվ հաճախորդներին այդ երեկո ավելացել են r’n’b երգչուհու երկրպագուները և հեղեղել շոփինգ մոլը: Ցնծությանը միացել են նաև ճիշտ ժամանակին տեղում հայտնված երջանիկները:
