ՄԱԿ-ի գլխավոր հանձնակատարի փախստականների գործերով վարչությունը սկսել է ձմեռային օգնություն տրամադրել սեփական տուն չունեցող ավելի քան 40,000 աֆղանցի ընտանիքների (մոտ 250,000 մարդ), փոխանցում է RIA Novosti-ն:
Օգնություն ամենից առաջ կցուցաբերվի հարկադրաբար տեղափոխվածներին, որոնք իրենց տները լքել են ռազմական գործողությունների պատճառով, նաև նրանց, որոնք երկարատև օտարությունից հետո վերադարձել են Իրանից և Պակիստանից: Աֆղանստանում ավելի քան 460,000 հարկադրաբար գաղթած պաղեստինցի կա, որոնք սեփական կացարան չունեն:
«Ձմռանն Աֆղանստանում ջերմաստիճանը կարող է նվազել մինչև Ցելսիուսի 26 աստիճան, ուստի օգնությունը կլինի հիմնականում վրաններ, ներքնակներ, ձմեռային հագուստ, սպասք, օճառ, ծածկոց, վառելիք»,- ասել է Աֆղանստանում ՄԱԿ-ի գլխավոր հանձնակատարի փախստականների գործերով վարչության ներկայացուցիչ Մոհամմադ Նադիր Ֆարհադը:
«Շատ ընտանիքներ զրկված են կերակրողից և ապրում են ծայրահեղ ծանր պայմաններում և որպես կանոն` հասարակությունից մեկուսացած: Հենց նրանք առաջինը կստանան ՄԱԿ-ի օգնությունը»,- ասել է Ֆարհադը: