Պաշտպանական կողմը բողոքարկել է խոշոր ձեռնարկատեր Լևոն Հայրապետյանի կալանքը, որին կասկածում են դրամական միջոցները վատնելու և հանցավոր ճանապարհով ձեռք բերված փողերի լվացման մեջ: Այս մասին ITAR-TASS-ին հայտնել է նրա փաստաբան Ռուբեն Մարգարյանը:
«Մենք Մոսկվայի քաղաքային դատարանին խնդրում ենք չեղյալ հայտարարել Հայրապետյանին կալանավորելու վերաբերյալ Բասմանի դատարանի վճիռը՝ որպես անօրինական և անհիմն, ու նրան նշանակել ազատազրկման հետ կապ չունեցող խափանման միջոց»,- ասել է նա:
Ինչպես սպասվում է, հուլիսի 24-ին հետաքննությունը պաշտոնական մեղադրանք կներկայացնի Հայրապետյանի դեմ:
Ավելի վաղ Մոսկվայի Բասմանի շրջանի դատարանը քննիչի միջնորդությամբ ձեռնարկատիրոջը կալանավորել էր մինչև սեպտեմբերի 15-ը: Բացի դրանից՝ տվյալ քրեական գործի շրջանակներում դատարանն անվտանգության նկատառումներով կալանք է դրել «Բաշնեֆտ» ընկերության բաժնետոմսերի վրա, որոնց արժեքը գերազանցում է 300 մլն ռուբլին:
Հայրապետյանը չի ընդունում իր մեղքը և հերքում է իր հասցեին բոլոր մեղադրանքները:
65-ամյա ձեռնարկատերը կալանավորվել էր հուլիսի 15-ին: Դրա համար հիմք են դարձել Բաշկիրիայից նախկին սենատոր Իգոր Իզմեստևի ցուցմունքները, որը ցմահ ազատազրկված է առանձնապես ծանր մի շարք հանցագործությունների համար: