«Ժողովուրդ»-ի լավատեղյակ աղբյուրների պնդմամբ` իշխանական վերնախավում բիզնեսի որոշ ոլորտների վերաբաժանում է սկսվել: Մասնավորապես այսուհետ, Աժ ՀՀԿ-ական պատգամավոր Արկադի Համբարձումյանից բացի, քաղցրավենիք ներկրելու է մեկ այլ ՀՀԿ-ական Աշոտ Արսենյանը (մականունը Քլոս):
Ինչպես տեղեկացնում են «Ժողովուրդ»-ի աղբյուրները, Սերժ Սարգսյանի գիտությամբ և ցուցումով ՊԵԿ-ը մինչ այդ բավական երկար ժամանակ ստուգումներ է անցկացրել Համբարձումյանի «Սլավ գրուպ» և «Դերժավա-Ս» ընկերություններում, որպեսզի ավելի հեշտ լինի բիզնեսի հանձնումը: Երբ Արկադի Համբարձումյանը փորձել է տեղեկանալ պատճառների մասին, ասվել է, որ կատարվածի մեջ խառն է նաև նախկին վարչապետ, լոնդոնաբնակ Արմեն Սարգսյանի մատը, որը ևս իր շահն ունի այդտեղ. Արսենյանի այս բիզնեսում նա ևս մասնաբաժին ունի:
Արկադի Համբարձումյանը, սակայն, թերթի հարցին ի պատասխան` հերքել է այս լուրերը` հավելելով. «Տենց նմա՞ն եմ էն տղուն, որ ինձ չթողեն, որ բան ներկրեմ»:
