«Գաֆէսճեան» արվեստի կենտրոնում դեկտեմբերի 6-ին տեղի կունենա «Հանդիպում արվեստի հետ» շարքի հերթական միջոցառումը՝ նվիրված Սայաթ-Նովայի 300-ամյակին:
Միջոցառման ծրագրում կներկայացվեն Սայաթ-Նովայի մասին իրական պատմություններն ու հորինված հեքիաթները, որոնք կներկայացնի խմբավար, մեներգիչ Շահե Քեշիշյանը: Այս մասին «Առաջին լրատվական»-ի հետ զրույցում տեղեկացրեց «Գաֆէսճեան» արվեստի կենտրոնի հանրային կապերի և մարկետինգի պատասխանատու Լիլիթ Սոխակյանը:
Համերգային ծրագրի շրջանակում Ծովինար Հովհաննիսյանն ու Աստղիկ Ադոնցը կներկայացնեն «Քանոնների դուետ», ելույթ կունենա Գոհար Գասպարյանը (վոկալ), Մարիաննա Մարտիրոսյանը (դաշնամուր), Շահե Քեշիշյանը (վոկալ), Մարգարիտ Սարգսյանը (դաշնամուր), Գուրգեն Բավեյանը (վոկալ), Մարգարիտ Սարգսյանը (դաշնամուր):
Կատարումներով հանդես կգա նաև Արարատյան հայրապետական թեմի «Զանգակներ» խումբը (խմբավար, գեղարվեստական ղեկավար՝ Շահե Քեշիշյան):
Ամեն ամիս կազմակերպվող այս միջոցառումները նվիրված են հայ և համաշխարհային արվեստագետներին և մշակութային կարևորագույն իրադարձություններին:
Միջոցառման մուտքն անվճար է, սկիզբը՝ ժ. 19.00-ին:
