Irib News-ի փոխանցմամբ՝ Իրանը հաղթահարել է կոշտ պատժամիջոցները, իսկ երկրի նավթային արդյունաբերությունը շարունակում է զարգացում ապրել: Այս մասին հայտարարել է Իրանի նավթարդյունաբերության նախարար Ռոստեմ Ղասեմին:
Վերջինիս խոսքերով՝ իրենք իրականացնում են բազմաթիվ նախագծեր և, կանխատեսումների համաձայն, ևս 150 միլիարդ դոլար է ներդվելու նավթային սեկտորի զարգացման մեջ: Ղասեմին հավելել է, որ մինչև 2015 թվականի մարտը Իրանում գազի օրական արդյունահանումը ներկայիս 600 միլիոն խորանարդ մետրից հասցվելու է մինչև 1.4 միլիարդ խորանարդ մետրի: