Հինգշաբթի Սպիտակ տունը և Ներկայացուցիչների պալատը առաջընթաց չեն գրանցել բյուջեի շուրջ բանակցություններում, որոնք պետք է 2013 թ. հունվարի 1-ից կանխեին «բյուջետային ճեղքվածքը» ,- հաղորդում է Interfax-ը:
ԱՄՆ-ի խորհրդարանի ստորին պալատի խոսնակ Ջոն Բեյները ֆինանսների նախարար Թիմոթի Գայթների հետ հանդիպումից հետ հայտարարել է, որ Սպիտակ տան և Ներկայացուցիչների պալատի միջև երկու շաբաթվա ընթացքում որևէ էական առաջընթաց չի գրանցվել: «Ժամանակն է, որպեսզի Սպիտակ տունն ավելի լուրջ դառնա»,- ընդգծել է նա:
Մասնավորապես, խոսքը դիվիդենտների համար հարկեր սահմանելու և 3.5 միլիոն դոլարից ավելի ժառանգության հարկերի բարձրացման մասին է:
Սպիտակ տունն առաջարկել է լիազորել վարչակազմին ԱՄՆ-ի պետական պարտքի առաստաղը բարձրացնելու համար:
Հանրապետականներն այս առաջարկները համարել են մեկ քայլ հետ բյուջետային բանակցություններում:
Առանցքային տարաձայնությունը հարկերի բարձրացումն է տարեկան 250 հազար դոլարից ավելի ստացող ամերիկացիների համար:
