Ամերիկացի շարքային Բրեդլի Մենինգը, որին ԱՄՆ իշխանությունները մեղադրում են WikiLeaks ինտերնետ պորտալին դիվանագիտական և ռազմական հարյուր հազարավոր գաղտնի փաստաթղթեր փոխանցելու մեջ, խոստովանել է, որ 2010-ին Բաղդադում ձերբակալությանը հաջորդած մի քանի օրերին իրեն սարսափելի պայմաններում են պահել: Այս մասին նա հայտարարել է հինգշաբոի՝ Մերիլենդ նահանգում անցկացված մինչդատական նախնական լսումների ժամանակ: Այս մասին փոխանցում է Kommersant-ը:
Դա Մենինգի առաջին ելույթն էր ձերբակալությունից հետո: Հաստատությունը, որտեղ նրան պահել են, նա «վանդակ» է անվանել՝ 2.5 մետրից պակաս տարածքով: «Ես մտածում էի՝ կմեռնեմ այնտեղ: Դա իսկական վանդակ էր կենդանիների համար»,- ասել է նա:
Մենինգը նաև գանգատվել է, թե նույնիսկ չի իմացել՝ ինչո՞ւ են իրեն մեղադրում և ինչո՞վ է դա իրեն սպառնում: «Ցերեկներն ու գիշերները նման էին իրար: Շուտով դրանք ինձ համար միախառնվեցին մեկ ընդհանուրի մեջ»,-խոստովանել է զինծառայողը:
Ենթադրվում է, որ շարքայինի հարցաքննությունը կշարունակվի ուրբաթ:
Դատավոր Դենիզ Լինդի խոսքով՝ Մենինգին, որն ռազմական տրիբունալը մեղադրում է լրտեսության և «թշնամուն օգնելու» մեջ, կարող է 16 տարվա ազատազրկում սպառալ: Սա չի նշանակում, որ կարող են Մենինգի դեմ հենց այդ մեղադրանքներն առաջադրել: Ենթադրում է, որ այդ հարցով որոշումը կկայացվի դեկտեմբերին:
