Վաշինգտոնի կենտրոնում՝ գլխավոր քաղաքային ծառուղում, կստեղծվի ժամանակակից պատերազմների (որն ԱՄՆ-ը վարել է տարբեր երկրներում` Վիետնամից մինչև Իրաք և Աֆղանստան) մասնակիցների թանգարան: Այն կկառուցվի Վիետնամի հուշարձանի` սև գրանիտից 75-մետրանոց պատի մոտ, որի վրա նշված են այն 58 000 ամերիկացի զինվորների և սպաների անունները, որոնք զոհվել են 1957-75-ին Հարավ-Արևելյան Ասիայում ռազմական գործողությունների ժամանակ: Չորեքշաբթի օրն այդ վայրում տեղի է ունեցել հանդիսավոր արարողություն պաշտպանության նաշարար Լեոն Պանետայի և ԱՄՆ փոխնախագահի կնոջ` Ջիլ Բայդենի մասնակցությամբ, հայտնում է ITAR-TASS-ը:
Թանգարանի կամ ինչպես այն պաշտոնապես կկոչվի՝ «կրթական կնտրոնի» կառուցման համար 85 մլն դոլար կծախսվի: Նախատեսվում է, որ թանգարանը կբացվի 2014-ի վերջին` Աֆղանստանից ԱՄՆ զորքերի վերջնական դուրսբերման ժամանակ: Սպասվում է, որ կցուցադրվեն Վիետնամում, Լաոսում, Կամբոջայում զոհված բոլոր 58 000 ամերիկացիների, նաև Իրաքից և Աֆղանստանից չվերադարձած 6 500 զինվորների լուսանկարները:
«Այսօրվա վետերաններն արժանի են ունենալու մի տեղ, որտեղ կկարողանան ամոքել իրենց թախիծը»,- հայտարարել է Լեոն Պանետան: Ջիլ Բայդենը հույս է հայտնել, որ թանգարանը հնարավորություն կտա գալիք սերունդների համար պահպանել այն մարդկանց մասին հիշողությունը, որոնք հայրենիքից հեռու կատարել են իրենց զինվորական պարտքը:
