Եվրահանձնաժողովի ղեկավար Ժոզե Մանուել Բառոզուն այսօր արտասովոր առաքելությամբ կժամանի Քիշնև: Նա պետք է գովի երկրի ղեկավարությանը ժողովրդավարական բարեփոխումների համար և աջակցություն հայտնի ԵՄ ինտեգրվելու նրա ցանկությանը: Եվ այդ ամենը կոռուպցիայի, ներդրումային կլիմայի վատթարացման և երկրում եվրոպական ինտեգրացման կողմնակիցների նվազման (70-54 տոկոս) ֆոնին: Այս մասին գրում է Kommersant-ը:
Փորձագետներն ասում են, որ, գովազդելով «հաջողության մոլդովական պատմությունը», ԵՄ-ն փրկում է ձախողման ենթակա «Արևելյան գործընկերության» նախագիծը:
Բառոզուն այնտեղ երկու օր կանցկացնի, կհանդիպի վարչապետ Վլադ Ֆիլատի, նախագահ Նիկոլայ Տիմոֆտիի, խորհրդարանական կուսակցությունների առաջնորդների հետ: Նրա գլխավոր «մեսիջը» գաղտնիք չէ: Այն բանից հետո, երբ կոմունիստների 8-ամյա կառավարումից հետո, 2009 թվակնաին իշխանության եկավ «Հանուն եվրոպական ինտեգրացման դաշինքը», եվրապաշտոնյաները չեն հոգնում գովել Քիշնևին՝ ԵՄ-ի հետ մերձեցման նրա ջանքերի համար:
Բրյուսելի կարծիքով՝ Մոլդովան եվրաինտեգրման և ժողովրդավարացման գործում հասել է առավելագույն առաջընթացի՝ համեմատած հետխորհրդային մյուս պետությունների հետ, որոնք մասնակցում են ԵՄ«Արևելյան գործընկերություն» նախագծին (նրանում ընդգրկված են նաև Հայաստանը, Վրաստանը, Ադրբեջանը, Բելառուսը և Ուկրաինան):
Եվրոպաշտոնյաների լավատեսությանը փորձագետները համամիտ չեն:
