Դիթա ֆոն Թիզի բեմական հագուսներն արժեն 20 000-ից մինչև 40 000 դոլար. աստղի հանդերձարանում 10000 դոլար արժողությամբ կորսետ կա:
40-ամյա Դիթան իր բեմական հագուստները ամենաթանկարժեք գնումներն է համարում և ասում է, որ բեմական մեկ հանդերձանքի արժեքը կարող է առնվազն 20 000 դոլար կազմել։ Բացի դրանից, Դիթան շատ է սիրում շքեղ հագուստներ և հաճախ է դրանք կրում:
«Ես Ժան-Պոլ Գոթյեից երեք հիանալի զգեստներ ունեմ, որոնք արժանի են թանգարանային նմուշներ դառնալուն: Դրանք ուղղակի զարմանահրաշ են: Ես մշտապես Եկատերինա Երկրորդի ոճով զգեստներ եմ հագնում: Ես դրանք արդեն վեց անգամ հագել եմ և շարունակելու եմ հագնել մինչև կյանքիս վերջը»,– ասել է Դիթան:
Նա ասել է նաև, որ շատ է սիրում կարմիր շրթներկ և երբեք չի հոգնում դասական ռետրո-գլամուրային ոճից:
«OK!» ամսագրին տված հարցազրույցում նա ասել է, որ չի կարող ապրել առանց կարմիր շրթներկի: <<Ես շատ եմ սիրում, երբ իմ շուրթերը վառ են ներկված: Երբ ես փոքր էի, ես և իմ մայրիկը շատ էինք սիրում գունավոր ֆիլմեր նայել: Հիշում եմ, թե ինձ ինչքն էին դուր գալիս կարմիր շրթներկով կանայք: Այն ժամանակ բոլորն էին կարմիր շրթներկ օգտագործում: Դա դասական է, որ միշտ արդիական կլինի: Հենց որ ես մեծացա, սկսեցի կարմիր շրթներկ օգտագործել և երբեք չեմ հոգնի դրանից>>:
