Նյու Յորքի մերձակայքում գտնվող մասնավոր հիվանդանոցի երկու բուժքույրեր 200 հազար դոլարի քաղաքացիական հայց են ներկայացրել Դուգլաս Քենեդու՝ հայտնի քաղաքական կլանի ներկայացուցչի, նախկին սենատորի ու դատախազի որդու, ԱՄՆ նախագահ Ջոն Քենեդու եղբոր թոռի դեմ: Այս մասին հաղորդում է Associated Press-ը:
Բուժքույրերը Քենեդուց պահանջում են քաղաքացիական կարգով փոխհատուցել վիրավորական գործողությունների դիմաց այն բանից հետո, երբ նմանատիպ մեղադրանքներով քրեական գործը փակվել էր անբավարար ապացույցների պատճառով:
Դեպքը տեղի է ունեցել 2012թ. հունվարին Հյուսիսային Վեսթչեստերի հիվանդանոցում: Դուգլաս Քենեդին պնդում է, որ ցանկացել է իր նորածին որդուն դուրս բերել փողոց՝ մաքուր օդ շնչելու, իսկ բուժքույրերը նրան արգելել են լքել ծննդատունը ու փորձել են վերցնել երկու օրական երեխային:
Կանայք, ինչպես պնդում են, վախեցել են, որ Քենեդին կարող է առևանգել երեխային:
Դատավորը ավելի վաղ վճռել էր, որ Քենեդին օրենք չի խախտել, իսկ խնամակալության համապատասխան մարմինները հաստատել են, որ Քենեդու ընտանիքում երեխաների նկատմամբ բռնության դեպքեր նախկինում չեն գրանցվել:
Երեխան լրագրող Դուգլաս Քենեդու 5-րդ երեխան է, իսկ անձամբ Դուգլասը եղել է Ռոբերտ Քենեդու 11 երեխաներից 10-րդը:
