Բրիտանական The Financial Times պարբերականի գլխավոր տնօրեն և տնօրենների խորհրդի ղեկավար Ռոնա Ֆերհեդը հայտարարել է, որ որոշել է լքել պարբերականը: Այս մասին գրում է The Guardian-ը:
51-ամյա Ֆերհեդը համարվում էր Financial Times-ն իր մեջ ներառող Pearson մեդիահոլդինգի տնօրենների խորհրդի ղեկավարի պաշտոնում գլխավոր հավակնորդը: Այդ մասին սկսել էին խոսել այն բանից հետո, երբ հոկտեմբերին մինչև 2012-ի վերջ իր լիազորություները վայր դնելու որոշման մասին հայտարարել էր հոլդինգը վերջին 16 տարիներին ղեկավարած Մարջորի Սկարդինոն:
Սակայն որոշ ժամանակ անց պարզ դարձավ, որ Ֆերհեդը չի դառնա Pearson-ի ղեկավար, չնայած այն բանին, որ նա արդեն 12 տարի հանդիսանում է հոլդինգի թոփ մենեջերը: The Guardian-ում հենց այդ փաստով են բացատրում Ֆերհեդի հեռանալու որոշումը:
Նա լիազորությունները պաշտոնապես վայր կդնի ապրիլին՝ տնօրենների խորհրդի ամենամյա հանդիպմանը: Իր ավանդի համար Pearson-ը Ֆերհեդին 1 մլն ֆունտ կվճարի:
Financial Times Group-ը, որին պատկանում է ոչ միայն Financial Times թերթը, այլև Economist Group-ի 50 տոկոսը, որում ներառված է The Economist պարբերականը: Բացի այդ՝ Financial Times-ը Vedomosti թերթի համահիմնադիրն է:
Ավելի վաղ հաղորդվում էր, որ դեկտեմբեին Financial Times Deutschland-ը կփակվի, որը մինչև 2008 թվականը պատկանել է Pearson-ին. Գերմանիայի առաջատար գործարար թերթերից մեկը ճանաչվել է անեկամտաբեր:
