Ամերիկյան Foreign Policy ամսագիրը հրապարակել է 2012-ի «համաշխարհային մտածողների թոփ-հարյուրյակը» (Top 100 Global Thinkers List), հայտնում է ITAR-TASS-ը:
Առաջին տեղը կիսել են Մյանմարի խորհրդարանի անդամ, Խաղաղության Նոբելյան մրցանակի դափնեկիր Աուն Սան Սու Չժին և Մյանամարի նախագահ Թեյն Սեյնը:
Թունիսի ղեկավար Մոնսեֆ Մարզուկին երկրի ղեկավարի պաշտոնում իմաստություն դրսևորելու, այս տարվա սեպտեմբերին ՄԱԿ-ի Գլխավոր Ասամբլեային քաղաքական և սոցիալական պատուհաս ճանաչելու և դիկտատորների դեմ քարոզչական գործունեություն ծավալելու կոչի համար զբաղեցրել է երկրորդ տեղը:
Եռյակը եզրափակում է ԱՄՆ նախկին նախագահ Բիլ Քլինթոնը: Սպիտակ տան ներկայիս տեր Բարաք Օբաման զբաղեցրել է 7-րդ տեղը` զիջելով Բիլ Գեյսթին, որն իր կնոջ հետ 5-րդ տեղում է:
6-րդ տեղում 15-ամյա պակիստանցի ինտերնետ-ակտիվիստուհի Մալալա Յուսուֆզայն է, որի նկատմամբ այս տարվա հոկտեմբերին մահափորձ է կատարվել: Գերմանիայի կանցլեր Անգելա Մերկելը 12-րդն է, Իսրայելի վարչապետ Բինյամին Նեթանյահուն և հրեական պետության պաշտպանության նախարար Էհուդ Բարաքը բաժանել են 13-րդ տեղը, Դաշնային պահուստային համակարգի ղեկավար Բեն Բերնանկեն 15-րդն է:
Ռուսական Pussy Riot խմբի աղջիկները 16-րդն են: Եվրոպական կենտրոնական բանկի ղեկավար Մարիո Դրագին 20-րդն է, ֆինանսիստ Ջորջ Սորոսը` 21-րդը, Արժույթի միջազգային հիմնադրամի ղեկավար Քրիստին Լագարդը` 27-րդը, Թուրքիայի վարչապետ Ռեջեփ Թայիփ Էրդողանը` 28-րդը, հնդկական ծագմամբ բրիտանացի գրող Սալման Ռուշդին` 33-րդը:
