Ամերիկյան ոստիկանությունը ձերբակալել է ՄԻԱՎ-ՁԻԱՀ-ի դեմ պայքարի կազմակերպության երեք ակտիվիստուհիների, ովքեր մերկացել են ներկայացուցիչների պալատի ղեկավարի գրասենյակում՝ ի նշան դժգոհության բժշկական և վերականգնողական ծրագրերի ֆինանսավորման կրճատման դեմ:
Երեքշաբթի օրվա կեսին երեք կին եկել են Ջոն Բոների ընդունարան և սկսել են աղմուկով մերկանալ:
«Մենք ցանկանում ենք ձեզ մերկ ճշմարտություն ցույց տալ»: Կանանց մարմնի վրա գրված է եղել՝ AIDS cuts kill, ինչը նշանակում է ՁԻԱՀ-ի բուժման ֆինանսավորման նվազումը մահվան է բերում:
Մի քանի րոպեից կանայք փորձել են անհետանալ ակտիվիստների ամբոխի մեջ, որոնք եկել էին գրասենյակի մոտ ակտիվիստուհիներին աջակցելու համար, սակայն ոստիկանները հասցրել էին ձերբակալել նրանց:
Ձերբակալվածները տարվել էին տեղի ոստիկանություն: Ամենայն հավանականությամբ, նրանց ծանուցում կտրվի դատարան ներկայանալու վերաբերյալ: Ակցիայի մասնակիցներին կարող է աննշան տուգանք սպառնալ:
Բողոքի ակցիան ընթանում է ԱՄՆ-ի կառավարության և կոնգրեսի բյուջեի կրճատման վերաբերյալ բանակցությունների ֆոնի ներքո: Այն դեպքում, եթե իշխանությունները համաձայնության չգան, ապա 2013թ-ից ավտոմատ կերպով սկսելու է գործել մի շարք բյուջետային հոդվածների ֆինանսավորման կրճատումը:
Ամերիկյան կոալիցիան ՄԻԱՎ-ՁԻԱՀ-ի դեմ պայքարում մտադիր է զանգվածային պայքար մղել այդ հիվանդության դեմ պայքարի ֆինանսավորման նվազեցման դեմ:
