Ադրբեջանի պաշտպանության նախարարությունը հերքել է այն տեղեկությունը, որ Քարվաճառում ձերբակալված Շահբազ Ջալալ օղլու Գուլիևը Ադրբեջանի հատուկ ծառայությունների աշխատակից է: Այս մասին հաղորդում է APA գործակալությունը:
Հիշեցնենք, ավելի վաղ Լեռնային Ղարաբաղի պաշտպանության նախարարությունը հաղորդագրություն էր տարածել, ըստ որի Քարվաճառում ադրբեջանական կողմը փորձել է դիվերսիա է իրականացրել, սակայն պաշտպանության բանակի առաջապահ զորամասերի կողմից ձեռնարկված օպերատիվ գործողությունների արդյունքում հակառակորդի հետախուզադիվերսիոն խումբը ժամանակին հայտնաբերվել է, անդամների մի մասը ձերբակալվել, իսկ մյուսները փախուստի են դիմել: Ավելի ուշ ՊՆ-ն հրապարակեց ձերբակալվածներից մեկի լուսանկարը:
Ադրբեջանի ՊՆ-ն հայտարարել է, որ իրենց զինված ուժերում նման անուն-ազգանունով մարդ չի ծառայում: