ՄԱԿ-ի գլխավոր քարտուղար Պան Գի Մունը և քիմիական զենքի արգելման գծով Կազմակերպության գլխավոր տնօրեն Ահմետ Յուզումսը դիմել են 8 պետությունների ղեկավարներին, որոնք Քիմիական զենքի կոնվենցիայի անդամ չեն` կարևոր փաստաթղթին միանալու կոչով, փոխանցում է rosbalt.ru-ն:
ՄԱԿ-ի նորությունների կենտրոնի հաղորդմամբ` Պան Գի Մունը և Ահմետ Յուզումսը համատեղ նամակ են ուղարկել Անգոլային, Հյուսիսային Կորեային, Եգիպտոսին, Իսրայելին, Մյանմարին, Սիրիային, Սոմալիին և Հարավային Սուդանին` «անհապաղ Կոնվենցիային միանալու խնդրանքով», որի ամբողջական անվանումն է` Քիմիական զենքի մշակման, արտադրման, կուտակման, օգտագործման և դրա ոչնչացման վերաբերյալ ՄԱԿ-ի կոնվենցիա: Այն ընդունվել է 1992-ի սեպտեմբերի 3-ին և ուժի մեջ է մտել 1997-ի ապրիլի 29-ին:
Կոնվենցիան ունի 188 անդամ: Պետությունների ղեկավարներին ուղղված նամակում նշվում է զանգվածային ոչնչացման այդ զինատեսակից զերծ աշխարհ ստեղծելու նպատակով Կոնվենցիային միանալու կարևորությունը:
