Լրագրողների խնդրանքով անդրադառնալով youtobe-ում տեղադրված այն տեսանյութին, որում ոստիկանները թույլ չեն տալիս, որ Րաֆֆի Հովհաննիսյանի համար Ազատության հրապարակում հովանոց տեղադրվի, ԱԺ նախագահ Հովիկ Աբրահամյանը արձագանքեց.
«Ես չեմ տեսել, թե youtobe-ում ինչ է տեղադրվել, բայց համոզված եմ, որ ոստիկանությունը շարժվում է օրենքի տառով, ինչը անձամբ հանրապետության նախագահի հրահանգն է, որը վերաբերում է առաջին հերթին օրինաստեղծ մարմնին`ԱԺ-ին»։
Իսկ այն դիտարկմանը, որ Ներսես Նազարյանը ասել է, թե օրենքով չի արգելվում, բայց ինքը թույլ չեմ տալիս, արձագանքեց .
«Օրենքով նաև չի էլ պարտադրվում վրան տեղադրել»:
«Ես չեմ ցանկանում, որ դրա վրա սևեռվենք, քանի որ դա բովանդակային առումով ոչինչ չի փոխելու, ուղղակի Րաֆֆի Հովհաննիսյանը պետք է հասկանա, թե հացադուլ հայտարարելու նպատակը որն է, ինչը մինչև այսօր դեռ չի ասվել»,- նշեց Հովիկ Աբրահամյանը:
