Իտալացի գիտնականները Պակիստանի Սվաթ հովտում հայտնաբերել են հնագույն գերեզման` հաղորդում է Agence France-Presse-ը:
Հնագետները պարզել են, որ ընդհանուր առմամբ նրանց հաջողվել է գտնել 30՝ միմյանց մոտ գտնվող գերեզմաններ, իսկ նրանց մի մասը նույնիսկ հատվում են:
Գերեզմանը մոտավորապես 3000 տարեկան է, որը պատկանում է տարածաշրջանում մինչբուդդայական զարգացման շրջանին:
Գիտնականները նշում են, որ հայտնագործությունը վկայում է այն մասին, որ այս շրջանում թաղման բարդ ծիսակարգեր են անցկացվել:
Բացի այդ՝ բոլոր աճյունները թաղվել են քարե կամ կավապատ գերեզմաններում: Գիտնականները հայտնաբերել են նաև մետաղական զարդեր:
Այդ տարածաշրջանում պեղումները սկսվել են դեռ անցած դարի 50-ականներին, սակայն հաճախ դադարեցվել են ռազմական բախումների հետևանքով:
