Ձմեռային սպորտի այսպես կոչված մերկ մրցումները, որոնք մինչև վերջերս անցկացվում էին Գերմանիայի Հարց լեռներում, այսուհետ արգելված են` ելնելով մասնակիցների անվտանգությունից: Հազարավոր մարդիկ, որոնք ամեն ձմեռ գնում էին Գերմանիա այդ մրցույթի համար, զրկվել են տոնից,- հայտնում է The Local-ը:
Սահնակներվ և սնոուբորդերով «մերկ սահելու» մրցույթն անցկացվում էր Բրաունլագ քաղաքում 2009-ից: Հանուն այդ «ստրիպ-մրցույթի» այնտեղ մեկնող զբոսաշրջիկների թիվը զգալիորեն գերազանցում էր տեղի բնակիչների թիվը, որը 6 300-ից մի քիչ շատ է:
Տարեցտարի միջոցառման հանդեպ հետաքրքրությունը մեծանում էր:
Տեղական 89.0 RTL ռադիոկայանը հաղորդում էր մեծաքանակ խցանումների մասին, որոնցում հայտնվել էին 30 սպորտսմենների մրցումը դիտել ցանկացողները:
Բրաունլագում զբոսաշրջության զարգացման պատասխանատու Քրիստիան Քլամտն ասել է, որ «դա մեծ կորուստ է քաղաքի համար»:
«Մենք կփորձենք վերսկսել «մերկ սահքը» մեկ տարի անց: Ամեն դեպքում, այս իրադարձությունը միակն է իր տեսակի մեջ և չենք ուզում կորցնել այն»,- ասել են կազմակերպիչները:
