«Ես ներողություն եմ խնդրում բոլոր այն մարդկանցից, ովքեր ժամանակին իմ վարքագիծը ճիշտ չեն հասկացել»,- այսօր լրագրողների հետ հանդիպման ժամանակ ասաց ՕԵԿ առաջնորդ Արթուր Բաղդասարյանը՝ հավելելով. «Մարդը կյանքում ունի և՛ ձեռքբերումներ, և՛ բացթողումներ, և՛ սխալներ: Ճշմարիտ է այն մարդը, որը հրապարակային ասում է այդ մասին»,- հավելեց նա:
Անդրադառնալով 2008 թվականի մարտի 1-ից օրեր առաջ իր կուսակցության կայացրած որոշմանը և դրանից բխած հետևանքներին՝ Բաղդասարյանը նշեց, որ Մարտի 1-ը ՕԵԿ-ի որոշման հետ որևէ առնչություն չի ունեցել: «Դա առնչություն ունի իշխանության վարքագծի և հակառակ կողմի դրսևորած քաղաքական վարքագծի հետ: Մենք ընդամենը ներկայացրել ենք մեր հրապարակային դիրքորոշումը: Մենք այս երկրում ո՛չ արյան հետ կապ ունենք, ո՛չ թալանի, ո՛չ կողոպուտի»,-ասաց նա:
Բաղդասարյանը նշեց, որ անկախ ամեն ինչից՝ մարզերում, Երևանում ունեցած իր հանդիպումները փաստում են, որ իրենց համակիրների թիվն օրեցօր աճում է, քանի որ մարդիկ նայում են 17 տարվա ՕԵԿ-ի վարքագծին, ապրած կյանքին: «Ամեն ինչ համեմատության մեջ է»,- նկատեց նա:
Մանրամասները՝ տեսանյութում: