Իրանական IRNA լրատվական գործակալության փոխանցմամբ` Իրանի նոր գազամբարները կառուցվելու են հյուսիսային նահանգներում՝ Կասպից ծովի շրջանում: Դրա պատճառն այն է, որ դժվարություններ են առաջանում տվյալ նահանգներին գազ մատակարարելու հարցում: Այս մասին Թեհրանում փորձագետների խմբի հետ հանդիպման ժամանակ հայտարարել է գազի պահպանման ընկերության գլխավոր տնօրեն Մասուդ Սամիվենդը:
Իրանի ազգային գազային ընկերությունը մտադիր է կառուցել նոր ստորգետնյա գազամբարներ, որոնցում կարելի կլինի պահել մոտ 14 միլիարդ խորանարդ մետր գազ: Դեռևս 2009 թվականին Ադրբեջանի պետական նավթային ընկերությունը (SOCAR) Իրանի հետ պայմանավորվել էր, որ Աստարայի գազատարի միջոցով տարեկան 500 միլիոն խորանարդ մետր գազ է մատակարարելու Իրանի հյուսիսարևելյան շրջաններին:
