Ինչպես տեղեկացրել էինք, ուրբաթ օրը Ֆանարջյանի անվան ազգային ուռուցքաբանական կենտրոն էր դիմել մայիսի 4-ին ՀՀԿ-ի կազմակերպած նախընտրական միջոցառման ժամանակ փուչիկների բռնկման գործով մեկ տարվա ազատազրկման դատապարտված Սերոբ Բոզոյանը, ով տառապում է միզապարկի քաղցկեղով:
Բոլոր հետազոտությունների ավարտից հետո միայն պետք է պարզ դառնար՝ կվիրահատե՞ն Սերոբ Բոզոյանին, և ի՞նչ ծավալի վիրահատություն է նրան սպասվում:
«Առաջին լրատվական»-ի հետ զրույցում Սերոբ Բոզոյանի կինը՝ Մարինան, ասաց, որ հետազոտությունների արդյունքում պարզվել է, որ պետք է վիրահատեն, բայց թե երբ կկատարվի վիրահատությունը` պարզ չէ:
Նա նաև նշեց, որ այս օրերին Սերոբ Բոզոյանը տուն չի եկել, նա ազգային ուռուցքաբանական կենտրոնում է: Իսկ Սերոբ Բոզոյանի վիրահատության համար ստեղծված հաշվեհամարին գումարը շատ դանդաղ է հավաքվում, մեծ գումարներ տվող չկա:
