Ծագումով ալժիրցի Մուհամմեդ Մյուդովիկ Լյուտֆի Զահեդը նոյեմբերի վերջին Ֆրանսիայում կբացի երկրում առաջին մզկիթը սեռական փոքրամասնությունների համար: Այս մասին գրում է թուրքական Hurriyet-ը:
«Սովորական մզկիթում կանայք պետք է նստեն հետևում. գեյերը վախենում են խոսքային և ֆիզիկական ագրեսիայից,-լրագրողներին հայտնել է Զահեդը,- հաջի ավարտից հետո ես հասկացա, որ մուսուլման գեյերի համար սեփական մզկիթն ուղղակի անհրաժեշտություն է»:
Զահեդը Hurriyet-ի թղթակցին հայտնել է, որ աղոթքի համար իրենք կկիրառեն բուդդայական մատուռի սրահը, որը կբացվի նոյեմբերի 30-ին` որպես մզկիթ, որտեղ կանանց և տղամարդկանց միջև բաժանումներ չեն լինի:
Փետրվարին Զահեդն ամուսնացել է ծագումով ՀԱՀ-ից ֆրանսիացու հետ: Պսակադրությունը կատարավել է Փարիզից ոչ հեռու, ֆրանսիացի իմամի կողմից:
Զույգն իր միությունը պաշտոնապես գրանցել է ՀԱՀ-ում, որպեղ միասեռական ամուսնություններն օրինական են:
Հիշեցնենք՝ նոյեմեբերի 7-ին Ֆրանսիայի նախարարների խորհուրդը հաստատել է միասեռական ամուսնությունների մասին օրինագծի տեքստը: Օրենքը խորհրդարանի հաստատմանը կներկայացվի արդեն 2013-ի հունվարին:
