«Ժառանգություն» կուսակցության մամուլի խոսնակ Հովսեփ Խուրշուդյանը Facebook-ի իր էջում գրել է.
«Կենտրոն» հեռուստաընկերությունը 22.11.2012 «Էպիկենտրոն» հաղորդման ընթացքում լրագրող Նաիրի Հոխիկյանի հեղինակմամբ մի կեղտոտ (այլ, ավելի համապատասխան բառ պարզապես չեմ գտնում) ռեպորտաժ հեռարձակեց Րաֆֆի Հովհաննիսյանի` Բաքվում ունեցած հարցազրույցի մասին: Հատվածական ներկայացմամբ և սխալ թարգմանությամբ աղավաղելով նրա անգլերեն խոսքը լրագրողը և հաղորդավարը ներկայացրեցին այն որպես հակահայկական ելույթ:
Մենք լավ գիտենք, թե ում է պատկանում «Կենտրոն» հեռուստաընկերությունը, ում է ծառայում և որ քաղաքական ուժի կողմից է ուղղորդվում (ի խախտումն օրենքի): Եվ ԲՀԿ բարձրաստիճան ներկայացուցիչների վերջերս «Ժառանգություն» կատարած այցի լույսի ներքո նման ոչ-բարեկամական (եթե չասենք թշնամական) արարքը` սև PR-ը, «Ժառանգության» ամբողջ ղեկավար կազմի, կուսակցության բոլոր անդամների համար, կարծում եմ լուրջ մտորումների և համապատասխան հետևություններ անելու տեղիք է տալու:
