Հարավկորեացի ռեփեր PSY Gangnam style երգի հիման վրա նկարահանված տեսահոլովակը դարձել է ամենաշատ դիտում ունեցող տեսանյութը Youtube համակարգի պատմության ընթացքում, հաղորդում է Forbes ամսագրի կայքը:
Նոյեմբերի 24-ին Երևանի ժամանակով ժամը 20:10-ի դրությամբ 34-ամյա երգիչ Պակ Չէ Սանը հավաքել էր 805 միլիոն 55 հազար 375 դիտում, այն դեպքում, երբ 18-ամյա երգիչ Ջասթին Բիբերը, հավաքելով 803 միլիոն 732 հազար 561 դիտում՝ երկար ժամանակ համարվում էր առաջատար:
Ինչպես նշում է Forbes-ը, Gangnam style տեսահոլովակը ներբեռնվել է ընդամենը 132 օր առաջ, սակայն այս հանգամանքը չի խանգարել նրան առաջ անցնել Youtube-ում 2.5 տարի առաջ տեղադրված Բիբերի Baby տեսահոլովակին:
Gangnam style-ը օրական հավաքում է մոտ 6.1 միլիոն դիտում:
