Գերմանական Ուննա քաղաքի 34-ամյա բնակիչ, փաստաբան Թիմ Շմիդտը իրավապաշտպան մարմիններին դիմում է ներկայացրել իր ընկերուհու` 33-ամյա Ֆրանցիսկայի դեմ`նրան մեդադրելով սեփական կրծքերով իրեն սպանել փորձելու մեջ:
Իր ընկերուհու հետ չորս տարի ապրած տղամարդը հավաստիացնում է, որ սեքսուալ հերթական մերձեցման ժամանակ իր ընկերուհին փորձել է խեղդել իրեն.
-Մենք փաղաքշանքներին էինք տրվել, երբ անսպասելիորեն նա վերցրեց իմ գլուխը և ողջ ուժով սեղմեց իր կրծքերի մեջ: Ես այլևս չէի կարողանում շնչել, չէի կարողանում ազատվել և մի պահ մտածում էի, որ այժմ կմահանամ,- տուժածը հաղորդել է դատարանին:
Վերջին ճիգերը գործադրելով՝ Շմիդտը կարողացել է հրել գրգռված ընկերուհուն և մերկ դուրս է վազել սենյակից` օգնություն փնտրելով: Արդեն հարևաններից նա ոստիկանություն է կանչել և մանրամասն նկարագրել տեղի ունեցածը:
Փաստաբանը պատմել է, որ իրենց հարաբերությունները սկսկել էին վատանալ, երբ ինքը նոր, բարձր պաշտոն էր ստացել, իսկ ընկերուհին այդ ընթացքում փոխում էր մի աշխատանքը մյուսի հետևից:
-Որքան լավ էր զարգանում իմ կարիերան, այնքան ավելի վատանում էին մեր հարաբերությունները:
Տղամարդը նաև նշել է, որ ընկերուհին անձամբ հաստատել է իր հանցագործ մտադրությունների մասին: Արդեն հետագայում նա տղամարդուն հեռախոսային խոսակցության ընթացքում խոստովանել է, որ ցանկացել է սպանել նրան և դիմել է իր բարեմասնություններին, քանի որ «Թանկագի՛նս, ցանկանում էի, որ քո մահը հնարավորինս հաճելի լիներ»,- ասել է կինը:
