Թուրքական Anadolu լրատվական գործակալության փոխանցմամբ՝ Թուրքիայի արտգործնախարար Ահմեդ Դավութօղլուն Անկարայում հանդիպել է Սիրիայի ընդդիմության ու հեղափոխական ուժերի ազգային կոալիցիայի նախագահ Ահմեդ Մուազ Ալ-Խաթիբի հետ: Հանդիպումից հետո լրագրողների հետ զրույցում Դավութօղլուն անդադարձել է Թուրքիայում (թուրք-սիրիական սահմանին) Patriot զենիթա-հրթիռային համակարգերի տեղակայման կապակցությամբ Ռուսաստանի հայտնած մտահոգությանը.
«Այդ համակարգը պաշտպանական համակարգ է: Կարիք չկա, որ որևէ երկիր և մասնավորապես Ռուսաստանը մտահոգվի այդ կապակցությամբ: Թուրքիան ներկայումս բախումներով լեցուն Սիրիայի հետ ունի 910 կիլոմետրանոց սահման ու պետք է ապահովի այդ սահմանի անվտանգությունը, և այդ պլանում ձեռնարկելու է բոլոր միջոցները»:
