Ամերիկյան Associated Press լրատվական գործակալության փոխանցմամբ՝ Թուրքիայի տարածքում ՆԱՏՕ-ի Patriot զենիթա-հրթիռային համալիրների տեղակայման գործընթացը հեշտ օպերացիա չէ և կարող է տևել մի քանի շաբաթ: Այս մասին հայտարարել են արևմտյան փորձագետները:
Գործակալությունն ընդգծում է, որ անգամ եթե ՆԱՏՕ-ն համաձայնի այդ հրթիռներն արագ ուղարկել Թուրքիա, ապա քիչ ժամանակ չի պահանջվի դրանց տեղակայման համար հարմար տեղանք ընտրելու, ինչպես նաև բուն Patriot-ների փոխադրման համար:
Այս կապակցութամբ ՆԱՏՕ-ի չինովնիկներից մեկը, որը չի ցանկացել հայտնել իր անունը, հայտարարել է, որ խոսքը այնպիսի համակարգերի մասին չէ, որոնք կարելի է արագ հասցնել նշանակման վայր և պատրաստել օգտագործման համար: Նրա խոսքերով՝ հրթիռները պետք է Թուրքիա հասցվեն ոչ թե օդային, այլ՝ ծովային ճանապարհով, ապա պետք է Թուրքիայի հակահրթիռային համակարգին միացնել ռադարները և մյուս սարքավորումները, ինչն անհրաժեշտ է հրթիռների արդյունավետ օգտագործման համար:
Հիշեցնենք, որ սրանից առաջ նշվում էր, թե Patriot համակարգերը Թուրքիա կարող են հասցվել 15 օրվա կամ մեկ ամսվա ընթացքում: Թուրքիայի վարչապետ Ռեջեփ Էրդողանը հայտարարել է, որ Patriot-ների տեղակայման վայրի ընտրությունը պետք է կատարի բանակը:
