Ներդրումային բանկերին մոտ ապագայում սպասվում են ոչ լավագույն ժամանակներ. ներկայումս գործող նման տեսակի 14 հաստատություններից 3-5 տարի հետո «ողջ կմնա» 10-ը: Այս մասին հաղորդում է NEWSru.com կայքը՝ վկայակոչելով Roland Berger խորհրդատվական ընկերության փորձագետներին:
Նրանց հաշվարկներով՝ բանկային տվյալ սեկտորի վերակառուցումը արմատական փոփոխությունների է ենթարկվում: Փորձագետներն ակնկալում են ներդրումային բանկինգի սեկտորի կոնսոլիդացման արագացում, ինչը կհանգեցնի հզորության կրճատման մոտավորապես 15-20%-ով:
Այս ամենն ուղեկցվելու է կապիտալի, աշխատատեղերի կրճատմամբ: Ընկերության հաշվարկներով՝ քարտեզի վրա դրված է շուրջ 40 հազար աշխատակիցների ապագան:
Աշխատատեղերի կրճատման գործընթացն առաջին հերթին կազդի երկրի արդյունաբերության զարգացման վրա: Իսկ ինչ վերաբերում է մասնավորապես Ասիայի զարգացող պետություններին, ապա այնտեղ ակնկալվում է շուկայի աճ:
Այնուամենայնիվ, վերլուծաբանները սպիտակ լույս են տեսել թունելի վերջում: Roland Berger-ի կանխատեսումների համաձայն՝ 2012 թ. ներդրումային բանկերի ընդհանուր եկամուտը կմեծանա 10%-ով՝ հասնելով 250 միլիարդ եվրոյի:
