The Voice երգի շոուի նկարահանումների և համաշխարհային շրջագայության միջև ընկած ժամանակահատվածում Քրիստինա Ագիլերան հասցրել է ստեղծել հերթական բուրմունքը, որը խոստանում է հիթ դառնալ: Նորույթը կոչվում է Red Sin: Քրիստինան հարցազրույց է տվել Woman.ru-ին և պատմել, թե ինչով է նորույթն առանձնանում Christina Aguilera այլ բուրմունքներից և թե ինչու պետք չէ ամաչել սեփական սեքսուալությունից:
Օծանելիքի բիզնեսում Քրիստինան գործում է այնքան վստահ, որքան բեմում: Նա արդեն մի քանի բուրմունք է թողարկել և բոլորը հիթեր են դարձել: Հաջողության գաղտնի՞քը: Հնարվոր է այն է, որ Ագիլերան օծանելիք ստեղծելիս ոչ ոքի չի փորձում գոհացնել. նա անում է այն, ինչ իրեն դուր է գալիս: Արդյունքում` բուրմունքները ստացվում են վառ, գերզգայուն, համարձակ` Քրիստինայի նման:
Red Sin նշանակում է «Կարմիր մեղք»: Red Sin-ի թողարկման նախօրեին երգչուհին պատասխանել է Woman.ru-ի հարցերին.
Woman.ru. Բուրմունքը համապատասխանո՞ւմ է իր պրավոկացիոն անվանմանը:
Քրիստինա Ագիլերա. Դե, չգիտեմ, իմ բոլոր օծանելիքներից այն ամենահրապուրիչն ու զգացմունքայինն է, սա փաստ է:
Woman.ru. Ո՞րն է նախ ծնվել` անո՞ւնը, թե՞ բուրմունքը:
Ք. Ա. Սովորաբար մենք նախ ստեղծում ենք կոմպոզիցիան, անվանումը հետո ենք հորինում: Այսպես է եղել նաև Red Sin-ի դեպքում: Բուրմունքն այնքան համարձակ է ստացվել, որ դրա անվան համար «գլուխ ջարդելու» կարիք չեղավ:
