Բարձր եմ գնահատում Արզումանյանի մասնակցությունը ԱԺ արտաքին հարաբերությունների մշտական հանձնաժողովի աշխատանքներին: Այսօր «Առաջին լրատվական»-ի հետ զրույցում այս մասին ասաց ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը՝ անդրադառնալով «Ժառանգություն» խմբակցությանորոշմանը`զբաղեցրած պաշտոններիցետ կանչել նախկին արտգործնախարար, «Ազատ դեմոկրատներ» կուսակցության ներկայացուցիչ Ալեքսանդր Արզումանյանին:
Նշենք, որ Ալեքսանդր Արզումանյանըզբաղեցնում է ԱԺ արտաքին հարաբերությունների մշտական հանձնաժողովի փոխնախագահի պաշտոնը, ինչպես նաև Մարդու իրավունքների պաշտպանության և հանրային հարցերի մշտական հանձնաժողովի անդամ է:
Արտակ Զաքարյանի կարծիքով՝ Ալեքսանդր Արզումանյանի մասնագիտական կարողություններն ու պրոֆեսիոնալիզմը շատ օգտակար ենԱԺ արտաքին հարաբերությունների մշտական հանձնաժողովին:
«Իհարկե, հանձնաժողովում մեր բոլոր գործընկերներն էլ շատ բարձր պրոֆեսիոնալիզմ ունեն, շատ օգտակար են և ակտիվորեն մասնակցում են հանձնաժողովի աշխատանքներին, այդ թվում` պարոն Արզումանյանը, որի մասնակցությունը այս հանձնաժողովի աշխատանքներին ես շատ բարձր և օգտակար եմ գնահատել միշտ»,- հայտնեց Արտակ Զաքարյանը:
Խոսելով մասնավորապես «Ժառանգություն» խմբակցության այս որոշման մասին՝ նա ասաց, որ քաղաքականության մեջ խնդիրներին պետք է նայել քաղաքական հայացքներով: Սակայն, նրա համոզմամբ, ցանկալի է, որ քաղաքական հայացքներով քաղաքական որոշումներ կայացնելիս այլ հանգամանքներ ևս հաշվի առնվեն:
Հարցին` հնարավո՞ր է, որ ինքը որևէ կերպ իր միջամտությունը ցուցաբերի Ալեքսանդր Արզումանյանին սատարելու ուղղությամբ, նկատեց. «Այս պարագայում խնդիրը զուտ քաղաքական է և գտնվումէ «Ժառանգություն» խմբակցության տիրույթում»:
Հիշեցնենք, որ «Ժառանգություն» խմբակցությունը դիմել է ԱԺ նախագահ Հովիկ Աբրահամյանին՝ երկու հանձնաժողովներում, Միջազգային խորհրդարանական 3 կազմակերպություններում, բարեկամական մի շարք խմբերում Ալեքսանդր Արզումանյանին փոխելու խնդրանքով:
