Առաջիկա երեքշաբթի Հռոմի Ֆրանցիսկոս պապն այցելելու է Իտալիայի Կալաբրիա վարչական կենտրոն: Այցի նպատակներից մեկը կազմակերպված հանցագործության դատապարտումն է: Պապը, սակայն, վտանգում է ոչ թե կյանքը, այլ հեղինակությունը, և ոչ միայն իր, այլև Վատիկանի: Այս մասին գրում է The Wall Street Journal-ը:
Բանն այն է, որ Հարավային Իտալիայում գտնվող Կասանո Ջոնիկո փոքրիկ քաղաքում հունվարին ողբերգություն է տեղի ունեցել` սպանվել է 3-ամյա մի երեխա պապիկի հետ: Իրավապահները ենթադրում են, որ դա կալաբրիական մաֆիայի ձեռքի գործն է, որը հայտնի է որպես «Նդրանգետա»: Հռոմի պապը մեկնում է հենց Կասանո Ջոնիկո, որը մաֆիայի «բույնն է»:
Նշվում է, որ մաֆիայի «կնքահայրերը» միշտ էլ հպարտացել են եկեղեցու հետ իրենց «մտերմիկ» հարաբերություններով: Հռոմի պապի այցն էլ ապացուցում է այդ: