Հայաստանը վերջին շրջանում խթանում է համագործակցությունը և՛ ՆԱՏՕ-ի, և՛ Ռուսաստանի հետ՝ առաջացնելով Հայաստանի հակասական հարաբերություններ հաստատելու վերաբերյալ հարցեր:
Այս աշնանը, Հայաստանը հյուրընկալեց ՆԱՏՕ-ի բարձրաստիճան պաշտոնյաներին և ԱՄՆ ռազմածովային ուժերի քարտուղարին, սեպտեմբերին հայկական միավորումները մարզվեցին ԱՄՆ-ի ՆԱՏՕ-ի երկրների կողմից, միջազգային առաքելություններում տեղակայման համար:
Այս աշնանը, Հայաստանում կայացան նաև ՀԱՊԿ զորավարժությունները, Ռուսաստանի հետ զենքի համատեղ արտադրության մասին համաձայնագիր ստորագրվեց, որի դրույթներից մեկը պահանջում է, որ Հայաստանը ապավինի բացառապես ռուսական արտադրության և ռուսական կողմի մատակարարած զենքի սպառազինությանը՝ գրում է Ռիչարդ Կիրակոսյանը Oxford Analytica-ում:
Առաջին անգամ Հայաստանը բացառում է արևմտյան զենքի գնումը՝ սահմանափակելով իր տարբերակներն ու պոտենցիալ գործընկերներին և առնվազն տեսականորեն խոչընդոտում է ՆԱՏՕ-ի չափանիշներով փոխգործակցությանն իր հետամուտ լինելուն:
Այս քայլը հարցեր է բարձրացրել Հայաստանի՝ կողմերի հետ հարաբերությունների հավասարակշռման գործընթացը վերահսկելու ունակության վերաբերյալ: Այդ մասին հարցերը պարբերաբար տրվում են հայ և արևմտան պաշտոնյաներին, որոնք պատասխանում են, որ Հայաստանի հետ Արևմուտքի և Ռուսաստանի կապերում հակասություններ չկան:
ՀՀ-ում ԱՄՆ դեսպան Հեֆֆերնի խոսքով՝ ԱՄՆ-ի և Ռուսաստանի միջև տարածաշրջանում մրցակցություն չկա: «Մենք սերտորեն աշխատում ենք միմյանց հետ, հատկապես Մինսկի խմբի գործընթացի շուրջ»,- հավելել է նա: Նրա խոսքով՝ մրցակցություն չկա ՀԱՊԿ-ի և ՆԱՏՕ-ի միջև: Դեսպանի խոսքով՝ Հայաստանը հատուկ հարաբերություններ ունի Ռուսաստանի ու ՀԱՊԿ-ի հետ և կարևոր համագործակցության մեջ է ՆԱՏՕ-ի հետ: Դեսպանը ոչ մի հակամարտություն չի տեսնում այդ երկու հարաբերությունների միջև:
Նույնն ասել է ՆԱՏՕ-ում Հայաստանի դեսպանը. «ՀԱՊԿ-ին Հայաստանի անդամակցությունը երկրի ռազմաքաղաքական ռազմավարության մասն է, և դա չի վնասում ՆԱՏՕ-ի հետ հարաբերությունները»:
ՆԱՏՕ-ի գլխավոր քարտուղար Անդերս ֆոգ Ռասմուսսենը սեպտեմբերին Երևան կատարած այցի ժամանակ խոսել էր գործընկերության հետագա զարգացման ներուժի մասին՝ ընդգծել էր, որ «հակասություն չկա Ռուսաստանի հետ Հայաստանի ռազմական դաշինքի և ՆԱՏՕ-ի սերտ հարաբերությունների միջև»:
Հոդվածագիրն ավելացնում է, որ քանի դեռ Հայաստանը ցանկություն չի հայտնել ՀԱՊԿ-ից դուրս գալու կամ Գյումրիից ռուսական բազան հեռացնելու , Ռուսաստանը չի խանդի Հայաստանի և ոչ մի երկրպագուի:
