Մեքսիկայի Տիկիչեո քաղաքի նախկին քաղաքապետ, 36-ամյա Մարիա Սանտոս Գորոստիետային ծեծելով սպանել են,- հաղորդում է BBC-ին:
Մարիա Սանտոս Գորոստիետան Տիկիչեո քաղաքի քաղաքապետի պաշտոնը զվաղեցրել է 2008-2011 թթ.: Այդ ընթացքում նրա դեմ երկու մահափորձ էր իրականացվել:
2009 թ. հոկտեմբերին անհայտ զինված անձինք հարձակում էին գործել նրա մեքենայի վրա, ինչի հետևանքով ստացված վերքերից մահացել էր Մարիա Սանտոսի ամուսինը՝ Խոսե Սանչեսը: Երեք ամիս անց նա ինքը լուրջ վիրավորվել էր նոր մահափորձի հետևանքով: Հիվանդանոցից դուրս գալուց հետո քաղաքապետը հայտարարել էր, որ տեղյակ չէ, թե ինչու է հետապնդման ենթարկվում: «Իմ խիղճը մաքուր է, ես երբևէ չեմ ունեցել որևէ խնդիր՝ ո՛չ ընտանեկան, ո՛չ գումարային, ես հանցավոր աշխարհի հետ կապեր չունեմ և երբեք չեմ վիճել հարևանների կամ քաղաքի բնակիչների հետ»,- ասել է նա այն ժամանակ:
Մեքսիկայում պաշտոնատար անձինք ավելի հաճախ են դառնում նարկոկարտելների զոհ: Այն բանից հետո, երբ Մեքսիկայի նախագահ Ֆիլիպե Կալդերոնը վեց տարի առաջ պատերազմ հայտարարեց թմրավաճառների դեմ, ավելի քան երկու տասնյակ քաղաքապետեր են սպանվել նարկոկարտելների հրամանով:
