Իսրայելի իշխանությունները Գազայի հատվածում անցկացվող ռազմական գործողության 5 օրերի ընթացքում հետ են մղել մոտ 44 մլն կիբեռհարձակում կառավարական վեբ-կայքերի վրա,- գրում է Daily Star լիբանանյան թերթը` հղում անելով Իսրայելի կառավարությունում ունեցած աղբյուրին:
Նոյեմբերի 14-ի Իսրայելը Գազայի հատվածում իրակաանացնում է «Ամպե սյուն» գործողությունը, որի նպատակն է ոչնչացնել զինյալներին և նրանց ինֆրակառուցվածքները:
«Բոլոր կիբեռհարձակումները հնարավոր է եղել հետ մղել, բացառությամբ մեկի՝ ուղղված հատուկ կայքի, որը չի գործել 6-7 րոպե»,- հայտարարել է Իսրայելի ֆինանսների նախարար Յուվալ Շտայնիցը:
Հրատարակության տվյալներով` անցյալ շաբաթ օրը Anonymous ցանցահենային խմբավորման ներկայացուցիչները հայտարարել են իսրայելական մոտ 700 կայքերը «ջարդելու» և դրանց տվյալների բազան վնասելու մասին, այդ թվում` Իսրայելի խոշորագույն բանկերից մեկի կայքը: Ցանցահենների այս հայտարաությունը նախարարը չի մեկնաբանել:
