Մյանմայի նախագահ Թեյն Սեյնը մտադիր է ստորագրել ԱԷՄԳ–ի արձանագրությունը, որն արգելում է միջուկային զենքի տարածումը: Նման հայտարարություն հրապարակվել է պետության ղեկավարի պաշտոնական կայքում: Դա նշանակում է, որ ԱԷՄԳ-ը կարող է այդ երկրում միջուկային օբյեկտների զննում իրականացնել։ Այս մասին հաղորդում է BBC-ն:
Հայտարարությունն արվել է ԱՄՆ նախագահ Բարաք Օբամայի այցի նախաշեմին:
2010 թվականի նոյեմբերին ՄԱԿ-ը հայտարարել էր, որ Հյուսիսային Կորեան շարունակում է փորձարկել միջուկային տեխնոլոգիա և հրթիռներ Մյանմայում, Իրանում ու Սիրիայում:
2011 թվականի դեկտեմբերին Բիրմա կատարած իր այցի ժամանակ ԱՄՆ պետքարտուղար Հիլարի Քլինթոնը երկրի ղեկավարությանը կոչ էր արել խզել ԿԺԴՀ-ի հետ հարաբերությունները: Այն ժամանակ նախագահ Թեյն Սեյնը հայտարարել էր, որ իր երկիրը միջուկային զենք է գնում ԿԺԴՀ-ից:
