Այս պահին ԱԺ արտահերթ նստաշրջանը ընդմիջվեց: ՀԱԿ խմբակցության ղեկավար Լևոն Զուրաբյանը նիստի սկսվելուց հետո 20 րոպե ընդմիջում վերցրեց: Բանն այն է, որ ոչիշխանական խմբակցությունների ներկայացուցիչները դժգոհում էին, որ կառավարության առաջարկով հրավիրված արտահերթ նստաշրջանում ընդգրկված մի մասը առաջարկվել է քնննարկել հրատապ ռեժիմով:
Այդ օրինագծերի մի մասի բովանդակությանը պատգամավորները չեն հասցրել ծանոթանալ: Այդ օրինագծերից է նաև կուտակային կենսաթոշակների մասին օրենքում փոփոխություններ անելու մասին կառավարության նոր օրինագիծը, որն ընդգրկվել է քննարկումների օրակարգ, մինչ այդ չի հրապարակվել նրա բովանդակությունը, և ահա, պատգամավորները պահանջում են ԱԺ-ում բացառել նման հրատապ կարգով օրինագծերի քննարկումը և որպես կառավարության ու իշխող մեծամասնության այդ գործելաոճի դեմ բողոքի նշան՝ Լևոն Զուրաբյանը 20 րոպե ընդմիջում վերցրեց: